Combo Dinamo : Todo te da igual

Combo Dinamo é outro dos grupos que nos enviou unha canción para a Convocatoria Iconoscópica da Coruña.
Este grupo ten xa unha longa andaina ás súas costas, e mesmo xa editaron un CD/LP en vinilo rosa, numerado a man, e realizaron unha pequena xira en 2008.

Din estar influenciados por moitos estilos, e na súa biografía falan de The Who, Bowie, Devo, E. Costello, Radio Futura, Supergrass, Hellacopters, Franz Ferdinand… case nada.

Para nós é un exemplo de banda pop-rock que se move entre o power-pop, o soft-punk, os aires algo setenteiros, con certo toque «mod», e que mesmo nalgún momento, os seus temas mais potencialmente comerciais, lémbrannos a Tequila.
Desde logo transmiten enerxía e vitalidade nas súas melodías, doutra banda moi pegadizas.