O pasado martes fomos os protagonistas da minisección BomboLog do Programa Cultureta, un programa que conducen os nosos amigos Julio Arriaga e Mery Cuesta.
Este microespacio,  brinda un minuto de tempo para que describas e presentes o teu blog, e nós tentamos facelo a dúas voces!!.
O programa emítese dentro de Extraradi na cadena ComRadio, e para os que non puideches escoitalo, aquí deixámosvolo para a súa escoita directa.

Bombolog : Programa Cultureta

Tras esta breve pausa, aquí chega o quito Iconoscopio, con música de Gratis!

Para a produción deste vídeo construíuse especificamente o CascoWatermemelon™. (do que xa che comentamos algo). Un casco en cuxo interior soa a canción de Gratis!, ademais de incorporar un sistema de flash discoteca.Este casco consegue espertar en quen o usa, un sentido do ritmo e enerxía para bailar descoñecidos para os propios usuarios.

Este vídeo está baseado case totalmente no casco e a posproducción, deixando na mínima expresión a rodaxe.

apetéceche probalo?

DSK (Juan Lesta & Belén Montero), e Esferobite desexámosvos un feliz 2o10.

A música é do estudo mestre en circuit bending Dio3Stu, que tamén vos desexan un feliz ano.

Queres participar na gravación dun Iconoscopio?

Este venres,  na presentación da revista online de Hangar podes facelo.

Para o evento, necesitaremos que os asistentes participen bailando o tema de Gratis! co casco WATERMELON,  un espectacular casco creado especialmente para este vídeo.

O material gravado, formará parte do noso seguinte Iconoscopio.

O evento terá lugar no Espai UBU en Barcelona, este venres 18 a partir das 20:30h.

Esperámosvos!!

Watermelon : Gratis!

Gratis! é un grupo recen formado, cuxos compoñentes teñen unha ampla traxectoria muscial.

Os compoñentes de Gratis! son: DJ Kinki (Ex Dry Flies, Ex Little fish), Lupo (Ex Olimpic) e Also Starring (Ex Alma X, Ex Feel Action).

What are you doing tonight

Push my melons

Quedámonola e comezamos a traballar xa! no vídeo.

Aquí chega o terceiro Icononoscopio. Con música de Suero: Crk.29.Obras, guindastres, taladradoras, escavacións, ruído, destrución… son algúns dos conceptos ameazantes do mundo da construción, que se propaga como un cancer, coa súa capacidade destrutiva a todos os niveis, alá onde se estende a sociedade humana.Grabado nos arredores da Coruña, nesta ocasión traballamos con Bertitxi (Alberto Díaz) como director de fotografía.

Acabamos de estar a gravar un novo Iconoscopio, en concreto o da canción Fantasy de Citizen.
Recorremos a unha historia localizada nun lugar no que nos fixaramos hai moito tempo, e que ambientará unha historía hostil e estraña.
Aínda que o lugar poida parece remoto e afastado, está máis próximo e accesible do que parece… nuns días a resposta.

Novo Iconoscopio, a partir da música enviada por Os Gru, De Katanga a O Agra.

Para este vídeo utilizamos o arquivo de imaxes de festas e eventos populares que recollimos durante  este verán.

Pulpeiras, sardiñas, misas, carruseis…

Como curiosidade técnica, todo o vídeo gravouse cunha cámara de fotos compacta, con HD (720p).

Nestes momentos estamos a rematar a posprodución do vídeo de De Katanga ao Agra de Os Gru.
Para ir dando pistas de por onde vai, deixamosvos unhas fotos tomadas durante a gravación.
O vídeo, vira nuhas horas.

Recibimos nova canción.
Neste caso un épico e gris tema de Citizen.
Fantasy : Citizen
Citizen é un dos diversos proxectos do Galego afincado en Barcelona Manuel Romero, que formou grupos clásicos da escena tecno noventera hispana como Feel Action do que realizamos un vídeoclip (Todo Cambiará) hai xa 10 anos!!.
Podes atopar as súas creacións musicais na actualidade tamén como John F. Kalasnikov, ou aos pratos como Dj Feel.
Tamén recomendamos, aínda que se saia algo do tema, non deixar de visitar a súa galería como deseñador gráfico.