Leroy y los masoquistas : Sunset Riders + Salsipuedes Point

Seguimos a recibir cancións para a nosa convocatoria Iconoscópica.

Hoxe tócalle a quenda a Leroy e os masoquistas (MySpace), unha banda coruñesa de recente formación, composta por Víctor Pouse á batería, Daniel Puchau á guitarra baixo, Pepe Estrada á guitarra acompañante, e Adrián F. Leiro «Leroy» á guitarra solista.

Este grupo preséntanos non un senón dous temas da súa recente produción para que podamos elixir. Segundo eles mesmos buscan un son «surfeiro» instrumental, e beben de fontes de clásicos do rock & roll como The Ventures, The Trashmen, Link Wray e Os Straitjackets, co que o seu son nos transporta claramente aos anos 60.

Cal dos dous preferides?